ملّت کے تمام افراد سے ہماری پُرزور اپیل ہے کہ مندرجہ ذیل پہلوؤں پر توجہ دیں:

• • ٭مستقبل کی دنیا تعلیم کی دنیا ہوگی۔ڈیجیٹل انقلاب ہر سُو نظر آرہا ہے‘اس لئے تعلیم کی اہمیت روز بروز بڑھتی جارہی ہے۔تعلیم سے دوری کے خطرناک نتائج ہوں گے۔اور عصری تعلیم سے دوری کا بھیانک انجام سامنے آئے گا۔ چنانچہ ہماری ذمہ داری ہے کہ حفظ ِ قُرآن پر توجہ دیں اور حافظ ِقُرآن کی اعلٰی تعلیم کیلئے فکر مند ہوجائیں۔
  • ٭حفظ قُِرآن کے بڑے اچھے امکانات ہیں۔ یہ اللہ کی بیش بہا نعمت ہے اس سے بچے کی ذہانات کا کا پتہ چلتا ہے اس کی یادداشت میں اضافہ ہوتاہے اور قُرآن کے نور سے اس کی شخصیت میں نکھار آتا ہے۔اس لئے ہمیں چاہئے کہ اس کو اہمیت دیں۔اور کم از کم ہرگھرمیں ایک حافظ ضرور تیار کریں اور ہر حافظ کو اعلٰی تعلیم سے آراستہ کریں۔
  • ٭حفظ ِقُرآن سے قُرآن فہمی کو بھی رواج ملے گا حافظِ قُرآن جب اعلٰی تعلیم حاصل کرکے میدانِ عمل میں جائے گا تو قُرآن کے پیغام کو عملی زندگی میں پیش کرے گا یعنی معاشرہ میں چلتا پھرتا قُرآن نظر آئے گا‘سماج قُرآن کی روشنی محسوس کرے گا اور حافظِ قُرآن اپنے کردار سے قُرآن کی سچی تصویر پیش کرے گا۔
  • ٭ آئیے! ہم سب مل کر شاہین کے حفظ القُرآن پلس پروگرام کو آگے بڑھائیں۔جو حفاظ کرام کو عصری تعلیم سے جوڑنے کا بہترین و خوبصورت منصوبہ ہے۔ایک کامیاب تجربہ ہے ملک کے بے شمار جگہوں پر اس کے مراکزقائم ہوچکے ہیں‘اللہ کا فضل ہے کہ مُختصر مدت میں اُس نے بے شمار حافظِ قُرآن بچوں کو عصری اعلٰی تعلیم سے آراستہ کیا ہے اور کامیاب بنایا ہے۔اس کی وجہ سے حفظ کرنے والے بچوں کو بھی حوصلہ مل رہا ہے۔والدین خوش ہیں کہ ان کے حافظ بچے کیلئے اعلٰی تعلیم کے دروازے کھل گئے ہیں۔شاہین ادارہ جات نے اعلٰی تعلیم کے دروازے حافظ بچوں کیلئے کھول دئیے ہیں سب کی ذمہ داری ہے کہ اس کارِخیر میں بڑھ چڑھ کر حصہ لیں اور ملک و ملّت کے فلاح و بہبود میں اپنازبردست کردار ادا کریں۔